2 gewonde broers jaag deur spitsverkeer

2009-12-01 07:28

Sandile Waka-Zamisa

Pietermaritzburg. – Twee gewonde broers het gister bebloed deur die stad se spitsverkeer gejaag om by ’n hospitaal te kom.

Mnre. Pieter (57) en Rodney Bezuidenhout (59) herstel nou van skietwonde in onderskeidelik die nek en maag nadat hulle by hul werk in die Mkondeni-nywerheidsgebied oorval is.

“Die koeël is deur my nek, van die een kant na die ander. Die dokter het gesê as dit een sentimeter verder was, was ek dood,” het Pieter gesê.

“Hulle was daar om ons dood te maak en het geskiet om ons dood te maak.”

Die broers was op pad na hul werk by Wayne’s Scrap Metal met Pieter agter die stuur toe vier gewapende mans hulle aangeval het.

“Ek het ’n voertuig gesien wat reg op ons afpyl, maar toe ek stadiger ry, het hy reg voor ons kom stop.”

Pieter het die bakkie in tru-rat gesit, maar ’n man het agter vanuit die voertuig gespring en ’n vuurwapen oorgehaal.

“Ek het vir my broer geskree hy moet gaan lê. Die man het ’n skoot deur ons voorruit geskiet en dit is deur my nek en uit by die venster. ’n Tweede man het begin skiet en hy het my broer deur die passasiersitplek getref.”

Pieter het weggejaag.

“Ek kon voel ek is in die nek getref en het in die stad se rigting gery. Ek was angsbevange, maar het nie gestop totdat ons by die Medi-Clinic was nie.”

Pieter is ontslaan, maar sy broer se toestand is nog ernstig.

“Ek weet nie wat is die motief vir die aanval nie, maar hulle wou ons beslis doodmaak.”

Source:IOL
http://www.beeld.com/Content/Suid-Afrika/Nuus/1928/1b91b7a6a4b743aa888f32a00b08e9d6/01-12-2009-07-28/2_gewonde_broers_jaag_deur_spitsverkeer

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: