In hart geskiet is ‘natuurlike oorsake’

2009-10-28 06:34

Hilda Fourie

Die doodsertifikaat van ’n motorelektrisiën wat sowat drie weke gelede voor sy gesin deur gewapende rowers in die hart doodgeskiet is, lui dat hy aan natuurlike oorsake dood is.

Toe Amanda Locke (43) Vrydag hoor wat op haar man, Henry Locke (39), se doodsertifikaat staan, was sy onmiddellik kwaad.

“Hy is dan voor ons doodgeskiet, voor ons oë,” het Locke gister aan Beeld gesê.

“Hulle het niks gesê nie. Hulle het hom net geskiet. Daar waar hy geskiet is, het hy geval en daar is hy dood.

“Hoe kan die moordsaak voortgaan as die doodsertifikaat sê hy is aan natuurlike oorsake dood?

“Dit is mos onmoontlik dat hy aan natuurlike oorsake dood is. Dit kan mos nie wees nie.”

Mnr. Locke is op 5 Oktober op die Elands-wildplaas naby Cullinan, noordoos van Pretoria, voor sy vrou, dogter, Monique (13), en seun, Dawie (23), wat ’n kwadrupleeg is, deur rowers in die hart geskiet.

Volgens Locke is daar aan haar gesê dat die koeël die punt van haar man se hart getref het wat ’n hartaanval veroorsaak het.

Ronnie Mamoepa, woordvoerder van die departement van binnelandse sake, het gesê hy is seker die inligting op die doodsertifikaat is verkeerd.

“Dit is ’n fout wat beslis reggestel sal word.

“Die departement vra verskoning vir die ongerief wat dit veroorsaak het,” het Mamoepa gesê.

– Beeld

Oorsprong:Beeld
http://www.nuus24.com/Content/Suid-Afrika/Nuus/1479/5fd310230de64c9bb6991c79eca35a4f/28-10-2009%2006-34/In_hart_geskiet_is_%E2%80%98natuurlike_oorsake%E2%80%99

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: