Gestremde in ma se huis vermoor

2009-11-03 10:19

Sanri van Wyk

’n Gestremde vrou van Mayfair-Wes in Johannesburg is gistermiddag grusaam vermoor nadat sy moontlik ook verkrag is.

Me. Jacqueline Kingma (36) se broer, Fanus (33), het haar bebloede lyk gister omstreeks 12:00 in die huis van hul ma, Connie, op die hoek van St. Ives- en Indrastraat gekry, het me. Susan Kingma, ’n familielid, gesê.

Insp. Jerbers de Bruyn, polisiewoordvoerder, het gesê die besonderhede van die moord is nog baie vaag.

“Haar hele gesiggie was vergruis en vol bloed en haar regterogie was heeltemal toegeslaan. Die plek op die mat waar sy gekry is was vol bloed,” het Susan Kingma gesê.

Jacqueline is volgens Susan Kingma met ’n rugdefek gebore.

Sy het ook aan ’n sindroom gely wat haar liggaamlike en verstandelike ontwikkeling gestrem het.

“Sy kon praat en lees en skryf, maar was altyd ’n bietjie stadiger as die ander kinders.”

Sy het voorheen as ’n verpakker by Pick n Pay in die Panorama-sentrum in Brixton gewerk.

Jacqueline, wat by haar ma gewoon het, het die gewoonte gehad om elke dag na haar broer, wat ook by dié Pick n Pay werk, te stap en dan tot omstreeks 19:00 op hom by sy werk te wag om saam met hom huis toe te stap.

“Gister het dit nie gebeur nie.”

Toe Fanus Kingma gister by die huis aankom om middagete te eet, het hy sy suster se lyk in die gang gekry.

“Ons dink die moordenaars moes aan haar bekend gewees het, want die veiligheidshek aan die voordeur het oopgestaan. Sy moes dit vir hulle oopgesluit het, want daar was geen tekens van gedwonge toegang nie.”

Susan Kingma het Jacqueline as “’n baie spontane kind” beskryf.

“Sy het altyd met ’n ou smiletjie op haar gesiggie rondgeloop.”
De Bruyn het gesê die speurtak van die Brixton-polisiekantoor ondersoek die moord.

“Hoe sy vermoor is, sal eers ná die lykskouing bekend wees.”

Die familie vermoed sy is ook verkrag.

Oorsprong:Beeld
http://www.beeld.com/Content/Suid-Afrika/Nuus/1928/2fa10e77c1a34a2f8feabf60dfdd9b9a/03-11-2009-10-19/Gestremde_in_ma_se_huis_vermoor

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: