Rowers val gaste aan, verkrag

Sep 23 2008 10:00:51:350PM – (SA)

Francois Oosthuizen
francois.oosthuizen@beeld.com

Ses gewapende rowers het Saterdagaand ses gaste by die Hippo Lodge in die Wieg van die Mensdom by Muldersdrift aangehou en twee vroue verkrag.

“Ons woon al 13 jaar hier en dit is die eerste keer dat so iets hier gebeur,” het mnr. Geof Maud, eienaar van die Hippo Lodge, gister gesê.

Die ses familielede, van wie die dogter en haar man in Engeland woon en die lodge vanjaar ’n tweede keer besoek het, het in hul chalet gekuier toe een van die rowers ’n vuurwapen deur die venster gedruk het. ’n Ander een het die voordeur met ’n baksteen oopgebreek.

“Die rowers het . . . die mans vasgebind en toe selfone en juweliersware gebuit. Net een van die rowers het die vrou en haar pa se vriendin verkrag.”

Maud was nog baie emosioneel ná die voorval en het gesê hy kon die afgelope twee nagte nie slaap nie.

“Dink net waardeur moet die slagoffers gaan.”

Hy het gesê hy weet nie hoe die rowers die perseel binnegekom het nie omdat dit met ’n geëlektrifiseerde heining en alarms toegerus is.

Volgens insp. Tebogo Kgomo, polisiewoordvoerder, het die polisie eergister die gesteelde Nissan Tiida waarin die rowers gevlug het, in die Diepsloot- informele nedersetting gekry. “Geen van die gesteelde items is teruggevind nie en niemand is nog in hegtenis geneem nie.”

Dié voorval volg op die moord op mnr. Franz Richter, eienaar van die nabygeleë Heia Safari Ranch, in November verlede jaar.

Die polisie in die omgewing het nou die Trio-taakspan op die been gebring om huisbrake, inbrake by sakeondernemings en kapings hok te slaan.

Kgomo het gesê ondersoekbeamptes van die Florida-, Roodepoort-, Muldersdrift-, Honeydew-, Randburg- en Douglasdale-polisiekantoor gaan kragte saamspan om dié soort misdaad hok te slaan.

Oorsprong:Beeld
http://www.news24.com/Beeld/Suid-Afrika/0,,3-975_2398676,00.html

One Response

  1. Mag God die slagoffers vertroos en versterk!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: